Please activate JavaScript!
Please install Adobe Flash Player, click here for download

Bundeskanzlei

15 12:00 Chasa federala vest, plaunterren: Durant las ultimas trais uras ha il servetsch d’infurmaziun da la Chanzlia federala lavurà mordio. Per mintga decisiun tratga dal Cussegl federal avant paucas minutas ston vegnir adattadas ensemen cun ils departaments respon­ sabels las communicaziuns a las medias preparadas ordavant. Damai che las communicaziuns a las medias vegnan publitgadas simultanamain en tudestg, franzos e talian na datti nagina pausa da mezdi n’er per ils trans­ laturs. I fa gronda prescha, la conferenza da medias è annunziada per las 14:00h. Ina cussegliera federala vegn ad accumpagnar il pledader dal Cussegl federal. Sut duas bandieras svizras En la sala per las conferenzas da medias vegnan posta­ das duas bandieras svizras, quai è la regla cur che com­ members dal Cussegl federal sa preschentan davant las medias. Ils spezialists da l’internet da la Chanzlia federala pre­ paran la pagina www.tv.admin.ch per l’emissiun simul­ tana da la conferenza da medias. 13:50 La cussegliera federala ed il pledader dal Cussegl federal discutan l’andament da la conferenza da medias. Il schef d’infurmaziun dal departament da la cussegliera federala è er preschent. El vegn a coordinar ils giavischs dals schurnalists per intervistas. www.tv.admin.ch Las conferenzas da medias dal Cussegl federal vegnan emessas simultanamain sin www.tv.admin.ch. Las conferenzas da medias online èn in da blers servetschs en l’internet da la Chanzlia federala. Ils portals principals èn www.admin.ch e www.ch.ch www.admin.ch www.ch.ch

Pages