Please activate JavaScript!
Please install Adobe Flash Player, click here for download

Bundeskanzlei

11 Curt avant las 09:00 arrivan las cusseglieras federalas ed ils cussegliers federals, accumpagnads da lur salters – e dapi intgins onns er da lur salteras – che preparan lur documents. Dal «ti» amical al «Vus» uffizial 09:00 Suenter ina curta baterlada vegni midà dal «ti» amical al «Vus» uffizial. La seduta ha cumenzà. Durant la seduta pledentan las cusseglieras federalas ed ils cus­ segliers lur collegas cun lur titels – per exempel «dunna cussegliera federala» u «signur cusseglier federal» – per suttastritgar che lur opiniuns cuntrarias na sa drizzan betg cunter la persuna, ma èn motivadas da lur differen­ tas funcziuns. L’urden da seser e l’andament da la seduta èn structu­ rads rigurusamain. Tar mintga fatschenta s’exprima l’emprim la presidenta u il president dal Cussegl federal. Suenter survegn il pled la scheffa u il schef dal departa­ ment cumpetent, suandà da la vicepresidenta u dal vice­ president dal departament e lura dals auters commem­ bers dal cussegl. Il pled vegn surdà tenor l’anzianitad: l’emprim discurran quels ch’èn en uffizi il pli ditg. Er la chanceliera federala ha il dretg da s’exprimer. Mintga cussegliera federala e mintga cusseglier federal discurra en sia lingua principala. La chanceliera federala vegn a s’exprimer en questa se­ duta, siond ch’i ston vegnir definids ils projects da vota­ ziun per las proximas votaziuns dal pievel. Duas iniziati­ vas dal pievel èn prontas per la votaziun. La chanceliera federala è responsabla per las dumondas che concernan ils dretgs politics. Al cumenzament da la seduta vegnan tractadas las fatschentas da gronda impurtanza politica. Las diffe­ renzas betg anc scleridas en la procedura da cunrapport ston vegnir discutadas cun la finamira da chattar ina de­ cisiun equilibrada. Ils dretgs politics La Chanzlia federala organisescha tut las votaziuns federalas. Ella prepara ils projects da votaziun, infurmescha la populaziun e garantescha suenter la votaziun per in resultat correct. En cas da recurs prepara ella mintgatant er in giudicat per il Tribunal federal. Tut ils decrets executivs dals chantuns vegnan examinads e lur autorisaziun vegn preparada per garantir ch’i na dettia suenter ina midada da domicil, malgrà las differentas regulaziuns, betg votantas e votants cun duas vuschs u cun nagina vusch. In’ulteriura incumbensa impurtanta da la Chanzlia federala è l’organisaziun da las elecziuns dal Cussegl naziunal. Votaziuns dal pievel Dretgs politics Tematicas www.bk.admin.ch

Pages