Please activate JavaScript!
Please install Adobe Flash Player, click here for download

Bundeskanzlei

9 MESEMNA 06:30 In emploià glischenta il palantschieu dals sulers en la Chasa federala vest. Intgins collavuraturs dal stab da la Chanzlia federala èn gia activs e fan las ultimas preparativas per la seduta dal Cussegl federal. Fin las 08:00 ston vegnir integradas en las glistas da tractandas las ultimas infurmaziuns dals departaments. 08:30 La chanceliera federala scuntra ils dus vice­ chanceliers per coordinar ils ultims detagls. Lura van els in plaun plin ensi en l’undraivla stanza da sedutas dal Cussegl federal. Tranter las sedutas vegn il laptop tegnì sut clav 08:45 Il vicechancelier André Simonazzi aviescha il laptop che vegn duvrà unicamain per las sedutas dal Cussegl federal. Quai è l’unic instrument tecnic en stanza. Tranter las sedutas vegn il laptop tegnì sut clav. Simonazzi reparta ina survista da las fatschentas rele­ vantas per la communicaziun che vegnan preschenta­ das suenter la seduta en ina conferenza da medias. Per quellas fatschentas èn las communicaziuns a las medias gia preparadas. En las conferenzas da medias vegnan las posiziuns dal Cussegl federal communitgadas clera­ main, i na vegn dentant fatg nagina propaganda. Rechtliche Grundlagen Dokumentation www.news.admin.ch André Simonazzi Il vicechancelier André Simonazzi è il pledader dal Cussegl federal e fa part da la direcziun da la Chanzlia federala. El maina il «Sectur infurmaziun e commu­ nicaziun» ed è responsabel per la communicaziun dal Cussegl federal. Il pledader dal Cussegl federal coordinescha las infurmaziuns cun tut ils departaments e definescha ils standards per la communicaziun en situaziuns normalas ed extraordinarias. Nagina propaganda Ils princips da l’infurmaziun e da la communica­ ziun dal Cussegl federal èn definids en in regulativ obligatoric. Ils puncts principals èn che l’infurmaziun dal stadi sto adina esser activa, ad ura, vardaivla, objectiva e cumplessiva. Il regulativ pretenda vinavant che las infurmaziuns sajan unitaras, coordinadas e transparentas. L’incumbensa d’infurmar dal Cussegl federal è definida er en texts legals. La Constituziun federala e la Lescha federala davart l’organisaziun da la regenza e da l’administraziun (LORA) obligheschan il Cussegl federal da communitgar avertamain. Questa publicaziun pon ins empustar en tudestg, franzos e talian.

Pages