Please activate JavaScript!
Please install Adobe Flash Player, click here for download

Bundeskanzlei

7 14:00 Il vicechancelier Thomas Helbling sa scuntra cun ils giurists da ses team. Las fatschentas da la seduta dal Cussegl federal da damaun vegnan discutadas punct per punct, mintga proposta al Cussegl federal vegn exa­ minada formalmain e giuridicamain. 15:00 La Chanzlia federala ha distribuì la glista da tractandas la pli actuala per la seduta dal Cussegl federal da damaun. Mintga fatschenta è vegnida prepa­ rada en detagl dal departament responsabel. La glista cumpiglia tut las fatschentas dals set departaments e da la Chanzlia federala. Las cusseglieras federalas ed ils cussegliers federals pon s’exprimer en scrit avant la se­ duta davart las fatschentas da lur collegas, per exempel per proponer midadas. Quai è l’uschenumnada proce­ dura da cunrapport che vegn coordinada da la Chanzlia federala. La Chanzlia federala sa prepara per ina lunga saira 18:00 La procedura da cunrapport stuess en sasez esser finida da quellas uras. Ma divers departaments dumon­ dan da prolungar il termin. La Chanzlia federala è per­ quai gia sa preparada per ina lunga saira. 21:00 Tut va tenor il «courant normal». Ils ultims cun­ rapports e las ultimas posiziuns arrivan gist per fax. Tut vegn uss examinà da las collavuraturas e dals collavu­ raturs da la Chanzlia federala e mess a disposiziun per l’ulteriura elavuraziun en ina banca da datas. L’examinaziun giuridica La Chanzlia federala è la conscienza giuridica e formala da las decisiuns dal Cussegl federal. Las giuristas ed ils giurists responsabels examineschan la correctezza giuridica da tut las fatschentas e da tut ils decrets dal Cussegl federal. Las spezialistas ed ils spezialists dal dretg èn er cumpetents per autras domenas, per exempel per dumondas davart il princip da transparenza che permetta a mintga persuna da consultar documents da l’administraziun. Thomas Helbling Il vicechancelier Thomas Helbling è il suppleant da la chanceliera federala e fa part da la direcziun da la Chanzlia federala. El maina il «Sectur Cussegl federal». Ensemen cun la chanceliera federala e cun il vicechancelier/pledader dal Cussegl federal è el responsabel per la pre­ paraziun e terminaziun da las sedutas dal Cussegl federal, a las qualas el participescha er. Las glistas da tractandas Las fatschentas dal Cussegl federal vegnan categorisadas cun diversas colurs: Glista oranscha: fatschentas inconte­ stadas. Glista blaua: posiziuns dal Cussegl federal davart moziuns parla­ mentaras. Glista alva: fatschentas da gronda impurtanza politica che pretendan ina discussiun. Glista verda: fatschen­ tas classifitgadas sco confidenzialas. Legislaziun Tematicas www.bk.admin.ch

Pages