Please activate JavaScript!
Please install Adobe Flash Player, click here for download

Bundeskanzlei

5 MARDI Igl è grev da dir cur che l’«emna politica» cumenza. Per blers segir gia la dumengia cun ils titels da sensaziun da las gasettas da la fin d’emna. Per la Chanzlia federala cumenza la fasa decisiva mintgamai il mardi cun las ul­ timas preparativas per la seduta dal Cussegl federal che ha lieu la mesemna*. 10:00 La chanceliera federala arriva en Chasa federala vest, turnond d’ina occurrenza publica en ina scola auta professiunala. Il tema da ses referat è stà il svilup dal si­ stem electronic da votar e d’eleger, il Vote électronique. La chanceliera federala ha retard. Las sedutas dal Cussegl federal han emprima prioritad en sia agenda, ma i vegn tranteren in auter termin urgent. In comité d’iniziativa accumpagnà da fotografs e schurnalists ar­ riva sur la Plazza federala vers la Chanzlia federala per surdar las passa 100 000 suttascripziuns rimnadas per sia iniziativa dal pievel. Suenter l’occurrenza cun las medias retschaiva la chanceliera federala ina delegaziun dal comité d’iniziativa en ses biro. Tschertas tractandas vegnan a chaschunar agitaziuns 11:30 André Simonazzi, il vicechancelier e pledader dal Cussegl federal, participescha a la conferenza telefonica diaria tranter ils servetschs d’infurmaziun dals set de­ partaments e da la Chanzlia federala. Qua vegnan gist discutads ils dossiers da la seduta da damaun che pertu­ tgan la communicaziun e pussaivlas directivas linguisti­ cas. L’atmosfera è calma, er sche tuts san che tschertas da questas fatschentas vegnan a chaschunar agitaziuns en las medias. *Durant las sessiuns da las Chombras federalas han lieu las sedutas dal Cussegl federal mintgamai il venderdi. Las iniziativas dal pievel La Chanzlia federala garantescha che tut ils criteris formals vegnian resguardads en las iniziativas dal pievel. Ella cusseglia ils comités d’iniziativas e da referendums, ella prenda encunter uffizialmain las iniziativas ed ils referendums ed ella controllescha che las suttascripziuns rimnadas tanschian. Il Vote électronique Il Vote électronique permetta da votar e d’eleger via internet. Divers chantuns porschan gia oz questa nova pussaivladad da votar a lur Svizras e Svizzers a l’ester. La Chanzlia federala coordinescha il Vote électronique a nivel federal. Iniziativas dal pievel Dretgs politics Tematicas www.bk.admin.ch Vote électronique Dretgs politics Tematicas www.bk.admin.ch

Pages