Please activate JavaScript!
Please install Adobe Flash Player, click here for download

Bundeskanzlei

3 Editorial Corina Casanova La chanceliera federala Corina Casanova maina dapi il 1. da schaner 2008 la Chanzlia federala cun ses var 250 collavuraturas e collavuraturs. Ella sustegna il president u la presidenta da la Confederaziun e l’entir Cussegl federal en la realisaziun da lur incumbensas. Ensemen cun ils dus vicechanceliers participescha ella a las sedutas emnilas dal Cussegl federal. En quellas ha la chanceliera federala ina vusch consultativa e po inoltrar propostas. Chara lectura Char lectur Mintga giada che Vus tegnais enta maun ils documents per las vota­ ziuns federalas, avais Vus contact cun la Chanzlia federala. Mintga giada che Vus udis u legiais dad iniziativas, referendums u elecziuns federalas, vegnis Vus en avegnir a pensar er in zichel a la Chanz­ lia federala. Ella garantescha che las elecziuns e las votaziuns en Svizra vegnian realisadas en maniera gista e secreta. Ed ella s’enga­ scha er per infurmar davart questas fatschentas cumplexas. Il carnet cotschen cun las explicaziuns dal Cussegl federal davart las vota­ ziuns federalas preparan per exempel noss spezialists da la commu­ nicaziun ensemen cun ils departaments. Engiavinai quantas fatschentas che stattan mintg’emna sin la glista da tractandas dal Cussegl federal: 10? 15? 20? Sbaglià per bler, en media èn quai 70 fin 80! Vus pudais damai As imaginar la gronda impurtanza d’ina preparaziun effizienta da las sedutas dal Cussegl federal. Avant ch’ina fatschenta vegn discutada dal Cussegl fede­ ral, sto ella passar diversas staziuns che vegnan coordinadas ed ac­ cumpagnadas da la Chanzlia federala. Damai, ina perfetga lavur da stab. Ils dretgs politics, la communicaziun, la lavur da stab: da questas incumbensas multifaras resulta plaunet il profil da la Chanzlia fede­ rala. Savais Vus che la Chanzlia federala è er quella instituziun che tgira las linguas uffizialas da la Confederaziun? Na? Lura èsi nairas uras da far in pitschen «fufragnadi» da trais dis tar nus. Questa bro­ schura As preschenta cun texts e maletgs trais tipics dis da lavur da la Chanzlia federala. Ina lectura divertenta As giavischa, Vossa Corina Casanova Chanceliera federala

Pages