Please activate JavaScript!
Please install Adobe Flash Player, click here for download
ePaper created 2012-06-12, 16:27:39 | version 1.23.6
26 La Chanzlia federala svizra è vegnida fundada sin iniziativa da Napoleun Bonaparte che ha pretendì en l’uschenumnada Acta da mediaziun l’installa ziun d’ina chanzlia statala permanenta. En la veglia Confederaziun vegnivan las lavurs da chanzlia evasas princi palmain dals chantuns Turitg e Berna. En la Helvetica (1798–1802) ha il gre mi directiv dal stadi survegnì in secretari permanent. Jean-Marc Mousson è vegnì elegì il 1803 sco emprim chancelier confederal. La chanzlia aveva da preparar las glistas da tractandas, d’evader la correspundenza e da rediger las decisiuns da la Dieta federala. Mintg’onn stueva ella midar cun tut ses archiv en il nov chantun principal (Friburg, Berna, Soloturn, Basilea, Turitg e Lucerna). Suenter la cupitga da Napoleun l’onn 1815 èn restads anc Turitg, Berna e Lucerna sco chantuns principals e la chanzlia aveva da far midada mintga dus onns. Ella consistiva d’in chancelier confederal e d’in secretari statal che na dastgavan betg avair la medema confessiun. Pir l’onn 1848 è vegnì elegì in Cussegl federal sco regenza naziunala per manenta ed il secretari statal è vegnì substituì cun in vicechancelier. Quella giada aveva la Chanzlia federala set collavuraturs e translatava gia dapi il 1837 tut ils decrets en franzos. L’onn 1896 è vegnì installà anc in segund vicechancelier, in da lingua franzosa. Enfin la fin da l’Emprima Guerra mundiala avevan il chancelier federal ed ils vicechanceliers er anc da manar il secretariat per las chombras da l’Assamblea federala. Dapi il 1926 tgira la Chanzlia federala er ils dretgs politics. La pli veglia instituziun da la Confederaziun L’emprima maschina da scriver da la Chanzlia federala (1885)